باميان؛ روح الله نیکپا جمنازيوم کې د پنځو لوبډلو ترمنځ د باسکټبال سيالۍ پای ته ورسېدې
د باميان ولايت د بدني روزنې او ورزش امريت اړوند د باسکټبال فدراسيون د استازولۍ له لوري د ياد ولايت په روح الله نیکپا جمنازيوم کې د پنځو لوبډلو ترمنځ د " رمضان جام " په نوم د باسکټبال سيالۍ د اميد لوبډلې په اتلولۍ پای ته ورسېدې.
د يادو سياليو پايلوبه د اميد او صد برگ لوبډلو ترمنځ ترسره شوه، چې په پايله کې اميد لوبډلې سيالې لوبډلې ته ۶۰ - ۲۰ نمرو په توپير ماتې ورکړه او اتلولي يې خپله کړه.
د دغو سياليو د ترسره کېدو موخه د روژې مياشتې ته هر کلی وو، چې يوه ورځ يې دوام وکړ.
