بادغیس؛ مرکز قلعه نو ښار کې د ۵۰ ورزشکارانو ترمنځ د یوني فایټ سبک سیالۍ وشوې
د بادغیس ولایت د بدني روزنې او ورزش امریت اړوند د رزمي لوبو ملي فدارسیون د استازولۍ له لوري د یاد ولایت په مرکز قلعه نو ښار کې د ۵۰ ورزشکارانو ترمنځ د رزمي لوبو یوني فایټ سبک دویم پړاو سیالۍ وشوې.
دغه سیالۍ د نویو ځوانانو، ځوانانو، او د لویانو ورزشکارانو په عمري کټګوریو کې ترسره شوې، چې په پایله کې ۱۴تنو د اتلولۍ مقامونه خپل کړل او د ډالیو ګټونکي شول.
د یادو سیالیو موخه رزمي لوبو ته وده ورکول و، چې یوه ورځ یې دوام وکړ.
