بادغیس؛ مرکز قلعه نو ښار کې د ۳۰ ورزشکارانو ترمنځ د لاس چپه کولو سیالۍ ترسره شوې

د بادغیس ولایت د بدني روزنې او ورزش امریت اړوند د ملي او دودیزو لوبو د مدیریت له لوري د یاد ولایت مرکز قلعه نو ښار په شاهین کلب کې د ۳۰ ورزشکارانو ترمنځ د لاس چپه کولو سیالۍ ترسره شوې.

دا سیالۍ د ځوانانو او مشرانو ورزشکارانو په عمري کټګوریو کې ترسره شوې، چې په پایله کې یې د ځوانانو په کټګوري کې محسن محسنی لومړی او محمدنبي ایمان دویم مقام او د مشرانو په کټګوري کې فایز ارباب زاده لومړی او نوراحمد مشفق دویم مقام ترلاسه کړ.

دا سیالۍ ملي او دودیزو لوبو ته د ودې ورکولو په موخه ترسره شوې، چې یوه ورځ یې دوام وکړ او په پای کې غوره ورزشکارانو ته ورزشي ډالۍ ورکړل شوې.