بادغیس؛ قلعه نو ښار کې د ۹۰ ورزشکارانو ترمنځ سیمه ییزې او دودیزې سیالۍ ترسره شوې
د بادغیس ولایت د بدني روزنې او ورزش امریت له لوري د یاد ولایت په مرکز قلعه نو ښار کې د ۹۰ ورزشکارانو ترمنځ د نويو ځوانانو او ځوانانو په عمري کټګوریو کې سیمه ییزې او دودیزې سیالۍ ترسره شوې.
دغو سیالیو، چې یو ورځ یې دوام وکړ، چې په پایله کې د ځغاستې په برخه کې ۳۰ ورزشکارانو د ځوانانو په عمري کټګورۍ کې مجیب الله لومړی او قاري هدایت الله دویم مقام ترلاسه کړ.
د تېږي اچونې په برخه کې ۴۰ ورزشکارانو د نويو ځوانانو په کټګورۍ کې عبدالوارث لومړی او عبدال معشوق دویم مقام ترلاسه کړ.
او د لاس چپه کولو په برخه کې ۲۰ ورزشکارانو د ځوانانو په کټګورۍ کې نزیر احمد لومړی او عبدالمحید دویم مقام ترلاسه کړ.
د یادو سیالیو موخه سیمه ییزو او دودیزو لوبو ته وده ورکول و.
د سیالیو په پای کې غوره ورزشکارانو ته چمتو شوې ډالۍ ورکړل شوې.
