ایران؛ افغان والیبال ملي لوبډلې بنګله دېش هیواد ته ماته ورکړه
د ایران په ارومیه ښار کې د مرکزي اسیا د والیبال سیالیو په دویمه مرحله کې افغان والیبال ملي لوبډلې بنګله دېش هیواد ته د ۳/۱ میدانونو په توپیر ماته ورکړه.
افغان والیبال لوبډله د یادو سیالیو په دویمه مرحله کې له منګولیا، بنګله دېش او قزاقستان سره لوبیږي، چې منګولیا هیواد سیالي ته حاضر نه شو او سبا به افغان والیبال لوبډله د افغانستان په وخت ۲:۱۵ بجې له قزاقستان سره لوبه وکړي.
دا په داسې حال کې ده، چې افغان والیبال لوبډلې په الف ګروپ کې لومړنۍ دوه لوبې قطر او هند هیواد ته بایللې وې.
