افغان کورش کارانو په ایران کې د سولې او دوستي جام سیالیو کې د سرو زرو مډالونه وګټل
د ایران په سیستان او بلوچستان کې د سولې او دوستي جام په نوم د یو شمېر ورزشي رشتو سیالۍ چې له یوې اوونۍ راهیسې دوام لري، افغان کورش کارانو پکې تېره ورځ د سرو زرو مډال وګاټه.
په دغو سیالیو کې د افغانستان په استازیتوب څلور افغان مهاجرو ګډون کړی دی چې صفي الله جليل زاده په ٦٠ کيلو ګرامه وزن کې، مهرالله غني زاده په ٦٦ کیلو ګرامه وزن کې، جاوید شېرزاد په ٧٣ کيلو ګرامه وزن کې او فتیح الله میرزایي په ٨١ کیلو ګرامه وزن کې د سرو زرو مډالونه ګټلي دي.
دغه سيالۍ د افغانستان، پاکستان، سري لنکا او ایران دوو لوبډلو ترمنځ ترسره شوې چې افغان لوبغاړو پکې د سرو زرو مډال ترلاسه کړل.
