افغان نېزه وهونکو د پاکستان په کوربتوب د نېزه وهنې په سياليو کې تر دې دمه درې د سرو زرو مډالونه ګټلي دي
افغان ورزشکارانو د پاکستان په کوربتوب د نېزه وهنې په سيالیو کې ، چې د سينګل او سيکشن په برخو کې ترسره کېږي، تر دې دمه درې د سرو زرو مډالونه ګټلي دي.
په دغو سياليو کې د افغانستان په استازيتوب اتو نېزه وهونکو، يوه روزونکي او د لوبډلې اداره کوونکي ګډون کړی، چې محمد رضا، محمد خان او سيف الرحمن په دغو سياليو کې د سرو زرو مډالونه وګټل.
د نېزه وهنې يادې سيالۍ د فيبروري مياشتې پر ۱۶مه نېټه د افغانستان، پاکستان، سعودي عربستان او يمن هېوادونو په ګډون پيل شوې او د همدې مياشتې پر ۳۰مه نېټه به پای ته ورسېږي.
