افغان فوټسال ملي لوبډلې له ارجنټاین څخه ماتې ومنله
افغان فوټسال ملي لوبډلې له سيالې ارجنټاين لوبډلې نه د ۲ پر ۱ گولونو په توپير ماتې ومنله او په جام کې يې لومړۍ ماتې وخوړه.
د ۲۰۲۴ فوټسال نړيوال جام د ازبيکستان هېواد په کوربتوب د نړۍ ۲۴ غوره لوبډلو ترمنځ پيل شوی دی، چې افغانستان په C گروپ کې له ارجنټاین، اوگرين او انگولا لوبډلو سره شتون لري او په ياد جام کې به خپله درېيمه لوبه د اوکراين لوبډلې پر وړاندې د راتلونکي شنبې په ورځ ترسره کړي.
د يادونې وړ ده، چې افغان فوټسال ملي لوبډلې د نړيوال جام په لومړۍ لوبه کې انگولا لوبډلې ته د ۶ پر ۴ گولونو په توپير ستره ماتې ورکړې وه.
