افغانستان د مرکزي آسیا والیبال سیالیو کې له پاکستان څخه ماتې وخوړه
د مرکزي آسیا والیبال سیالۍ نن د شپږو آسیايي هېوادونو ترمنځ د پاکستان پلازمېنې اسلام آباد ښار کې پیل شوې.
افغانستان خپله لومړي لوبه له کوربه پاکستان هېواد سره ترسره کړه، چې په پایله کې یې د ۲۵/۱۹، ۲۵/۲۱، ۲۵/۱۶ نمرو په توپیر درې میدانونه پرلپسې بایلودل.
په دغو سیالیو کې افغانستان، پاکستان، ایران، ترکمنستان، قرغیزستان او سري لنکا هېوادونو ګډون کړی دی چې یوه اوونۍ به دوام وکړي.
ټاکل شوې چې افغانستان به خپله دویمه لوبه سبا یکشنبه د کابل پر وخت ماښام ۶:۰۰ بجې له ایران هېواد سره ترسره کړي.
