ارزگان؛ مرکز ترينکوټ ښار کې د درېيو کلبونو ترمنځ د ووشو سيالۍ ترسره شوې
د ارزګان ولايت د بدني روزنې او سپورټ آمريت اړوند د ووشو فدراسيون د استازولۍ او د اطلاعاتو او کلتور رياست په همکارۍ د دې رياست په انگر کې د درېيو کلبونو تر منځ د ووشو سيالۍ د ممتاز کلب په لومړي مقام پای ته ورسېدې.
په يادو سياليو کې د ممتاز، امير اکاډمي او پړانگانو کلبونو څخه ۴۴ ورزشکارانو گډون کړی و، چې په پايله کې ممتاز کلب د ۸ مډالونو په گټلو سره لومړی مقام ترلاسه کړ.
د دغو سياليو د ترسراوي موخه د غوره څېرو موندل وو. چې يوه ورځ يې دوام وکړ.
