ارزګان؛ چوره ولسوالۍ کې د اتو لوبډلو ترمنځ د والیبال سیالۍ پیل شوې
د ارزګان ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په چوره ولسوالۍ کې د دایکندي ولایت او مرکز ترینکوټ د اتو لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه کې مرکز الف لوبډلې د ۳/۲ میدانونو په توپیر خپلې سیالې چورې لوبډلې ماتې ورکړه او د سیالیو لومړۍ بریا یې خپله کړه.
دغه سیالۍ ورزش ته د ځوانانو د هڅولو په موخه پیل شوي دي، چې څلور ورځې به دوام وکړي.
