ارزګان؛ چهار چینو ولسوالۍ کې د ١٢ لوبډلو ترمنځ د ټېپ بال کرېکټ سیالۍ پای ته ورسېدې
د ارزګان ولایت د بدني روزنې او ورزش آمریت اړوند د ټېپ بال کرېکټ فدراسیون د استازولي له لوري د ياد ولايت په چهار چینو ولسوالۍ کې د ١٢ لوبډلو ترمنځ د ټېپ بال کرېکټ سیالۍ د مرکز سټار لوبډلې په اتلولي پای ته ورسېدې.
د یادو سیالیو پایلوبه د مرکز سټار او مرکز نويو ځوانانو لوبډلو ترمنځ ترسره شوه. د لوبې پچه مرکز سټار لوبډلې وګټله او لومړی یې توپوهنه وکړه، چې په ټاکلو لسو اورونو کې یې د خپلو شپږو لوبغاړو په له لاسه ورکولو سره خپلې سیالې لوبډلې ته د ١١٢ منډو هدف وټاکه. متون نویو ځوانانو لوبډلې د هدف په تعقیب کې د خپلو ټولو لوبغاړو په له لاسه ورکولو سره ٨٠ منډې وکړې او د ٣١ منډو په توپیر یې لوبه وبایلله.
دا سیالۍ د ولسوالۍ په کچه د غوره لوبغاړو د موندلو په موخه ترسره شوې، چې جاوید احمد د ۳۰۰ منډو په ترسره کولو سره د دغو لوبو غوره توپ وهونکی او سمیع الله د ۱۶ ویکټو په اخیستلو سره غوره توپ اچونکی وټاکل شول.
