ارزګان؛ په چوره ولسوالۍ کې د والیبال ټورنمنټ د اشزایي لوبډلې په ګټه پای ته ورسېد
د ارزګان ولایت د بدني روزنې او ورزش امریت په همکارۍ د والیبال فدراسیون له لوري د دې ولایت په چوره ولسوالۍ کې د ۱۶ لوبډلو ترمنځ د والیبال ټورنمنټ د اشزایې لوبډلې په ګټه پای ته ورسېد.
دغه ټورنمنټ، چې شل ورځې یې دوام وکړ، په پایلوبه کې یې اشزایې لوبډلې د ۳-۲ میدانونو په توپیر د سري لوبډلې ته ماتې وکړه او د دې ټورنمنټ اتلولي یې وګټله.
په دې سیالیو کې محمد رضوان د غوره لوبغاړي جایزه هم ترلاسه کړه.
په پای کې ګټونکې لوبډلې او غوره لوبغاړو ته جایزې هم ورکړل شوې.
