پکتیا کې د ۱۲ لوبډلو ترمنځ د فوټبال سیالۍ پیل شوې
د پکتیا ولایت د بدني روزنې او ورزش ریاست اړوند د فوټبال فدراسیون د استارولي له لوري د یاد ولایت مرکز ګردېز ښار کې د ۱۲ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د یاران او اتلانو لوبډلو ترمنځ ترسره شوه، چې په پایله کې یې یارانو لوبډلې د ۲ پر یو ګول په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم کړه.
دا سیالۍ د ځوانانو ترمنځ د یووالي په موخه پیل شوي دي، چې ۱۵ ورځې به دوام وکړي.
