زابل؛ مرکز قلات ښار کې د ۵۰ ورزشکارانو ترمنځ د توان سبک رزمي لوبو لومړی پړاو سیالۍ ترسره شوې
د زابل ولایت د بدني روزنې او ورزش آمریت اړوند د رزمي ورزشونو فدراسیون د استازولي له لوري د یاد ولایت په مرکز قلات ښار کې د اتو ولایتونو د ۵۰ ورزشکارانو ترمنځ د توان سبک لومړی پړاو سیالۍ پای ته ورسېدې.
په دغو سیالیو کې د پکتیکا، کابل، غزني، کندهار، ارزګان، خوست، پکتیا او نیمروز ولایتونو د نویو ځوانانو، ځوانانو او مشرانو ورزشکارانو په عمري کټګوریو کې ۵۰ لوبغاړو ګډون کړی و، چې په پایله کې یې زابل ولایت لومړی، نیمروز دویم او کندهار بیا درېیم مقام خپل کړ.
دا سیالۍ د ځوانانو لپاره د سالمې تفرېح د برابرولو په موخه ترسره شوې، چې درې ورځې یې دوام وکړ.
