بلخ؛ په مرکز مزار شریف کې د ۲۰ ورزشکارانو ترمنځ د رسۍ کشونې سيالۍ وشوې
د بلخ ولایت د بدني روزنې او ورزش رياست اړوند د ملي او دوديزو لوبو مديريت له لوري، د یاد ولایت په مرکز مزار شريف کې د ۲۰ ورزشکارانو ترمنځ د رسۍ کشولو سیالۍ وشوې.
په دغه سياليو کې د ښاروالۍ او بلخ ځوانانو دوو لوبډلو ګډون کړی و، چې په پايله کې ښاروالۍ لوبډلې د ۳-۰ امتيازونو په ترلاسه کولو بريا خپله کړه.
د يادونې وړ ده، چې يادې سیالۍ ملي او دوديزو لوبو ته د ودې او ورزش ته د ځوانانو د هڅولو په موخه وشوې.
