ننګرهار؛ سره رود ولسوالۍ کې د ۵۲ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولي له لوري د یاد ولایت په سره رود ولسوالۍ کې د ۵۲ لوبډلو ترمنځ د ټېپ بال کرېکټ سیالۍ د سره رود ځوانانو لوبډلې په اتلولي پای ته ورسېدې.
د یادو سیالیو وروستۍ لوبه د سره رود ځوانانو او سره رود ایلیون لوبډلو ترمنځ ترسره شوه. د لوبې پچه د سره رود ایلیون لوبډلې وګټله او لومړی یې د توپ وهنې پرېکړه وکړه چې په ټاکلو لسو اورونو کې یې د اتو لوبغاړو په له لاسه ورکولو سره خپلې سیالې لوبډلې ته د ۹۴ منډو هدف وټاکه. سره رود ځوانانو لوبډلې ټاکلی هدف د څلورو لوبغاړو په له لاسه ورکولو سر د لوبې په نهم اور کې ترلاسه کړ او د شپږو ویکټو په توپیر یې د یادو سیالیو اتلولي وګټله.
دا سیالۍ د ځوانانو ترمنځ د یووالي په موخه ترسره شوې، چې دوې میاشتې یې دوام وکړ.
