پکتیکا؛ یوسف خېلو ولسوالۍ کې د اتو لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د والیبال فدراسیون د استازولي له لوري د ياد ولايت په یوسف خېلو ولسوالۍ کې د اتو لوبډلو ترمنځ د والیبال سیالۍ د امنیه قومانداني ب لوبډلې په اتلولي پای ته ورسېدې.
د یادو سیالیو پایلوبه د امنیه قومانداني ب او دویمې حوزې لوبډلو ترمنځ ترسره شوه، چې په پایله کې یې امنیه قومانداني ب لوبډلې د ٢ پر یو میدان په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د ځوانانو لپاره د سالمې تفرېح برابرولو په موخه ترسره شوې چې څلور ورځې یې دوام وکړ او په پای کې اتلې لوبډلې او غوره لوبغاړو ته چمتو شوې ډالۍ ورکړل شوې.
