پکتيکا؛ په سروبي ولسوالۍ کې د ۲۲ لوبډلو ترمنځ د واليبال سيالۍ پيل شوې
د پکتيکا ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په سروبي ولسوالۍ کې د څلورو ولایتونو د ۲۲ لوبډلو ترمنځ په ليرې پرتو سيمو کې ورزش ته د ودې ورکولو په موخه د واليبال سيالۍ پيل شوې.
په دغو سياليو کې د خوست، غزني، پکتيا او کوربه پکتيکا ولايتونو لوبډلو گډون کړی، چې په لومړۍ لوبه کې کامران لوبډلې خپلې سيالې پهلون لوبډلې ته د ۲ پر ۱ ميدانونو په توپير ماتې ورکړه او بريا يې خپله کړه.
ياده دې وي، چې دغه سيالۍ به شاوخوا ۱۸ ورځې دوام وکړي.
