هلمند؛ ناوې ولسوالۍ کې د ۱۳ لوبډلو ترمنځ د د ټېپ بال کرکټ سیالۍ د بُست ساتونکو لوبډلې په اتلولي پای ته ورسېدې
د هلمند ولایت د بدني روزنمې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت په ناوې ولسوالۍ کې د ۱۳ لوبډلو ترمنځ د ټېپ بال کرکټ سیالۍ د بُست ساتونکو لوبډلې په اتلولي پای ته ورسېدې.
د یادو سیالیو پایلوبه د پنجا و دو ستورو او بست ساتونکو لوبډلو ترمنځ ترسره شوه. پنچا و دو ستورو لوبډلې د لوبې د پچې په ګټلو سره لومړی توپ وهنه وکړه او په ټاکلو ۱۲ اورونو کې یې خپلې سیالې لوبډلې ته د ۱۸۷ منډو هدف وټاکه. بست ساتونکو لوبډلې یاد هدف د څلورو لوبغاړو په له لاسه ورکولو سره د لوبې په یوولسم اور کې ترلاسه کړ او د شپږو ویکټو په توپیر یې خپلې سیالې لوبډلې ته په ماتې ورکولو سره د دغو سیالیو اتلولي وګټله.
دغه سیالۍ د ځوانانو ترمنځ د همغږي د رامنځته کولو په موخه ترسره شوې، چې یوه میاشت یې دوام وکړ.
