خوست کې د ۲۴ لوبډلو ترمنځ د فوټبال سيالۍ د کورنیو چارو وزارت لوبډلې په اتلولۍ پای ته ورسېدې
د خوست ولايت د بدني روزنې او ورزش آمريت اړوند د فوټبال فدراسيون د استازولۍ له لوري د مرکز متون ښار په تڼيوال پارک کې د ۲۴ لوبډلو ترمنځ د اسحاق ح.ق.ا.ن.ي جام په نوم د فوټبال سيالۍ د کورنيو چارو وزارت لوبډلې په اتلولۍ پای ته ورسېدې.
د دغو سياليو په پای مراسمو کې د هېواد المپيک، بدني روزنې او ورزش عمومي رياست فني او مسکلي معاون حافظ احمد جان ځدراڼ، د فوټبال ملي فدراسيون رييس محمد يوسف کارگر، د خوست ورزش امر عطاء الله کډوال، ورزشي مسؤلينو، حکومتي او نظامي کارکوونکو او د ورزش گڼ شمېر مينوالو گډون کړی وو.
د يادو سياليو په پايلوبه کې کورنيو چارو وزارت لوبډلې خپلې سيالې پنزايي وحدت لوبډلې ته د ۳ پر صفر گولونو په توپير ماتې ورکړه او اتلولي يې خپله کړه.
ياده دې وي، چې د دغو سياليو په پای مراسمو کې راغلو مېلمنو ته د اعزاز لونگۍ ور په سر شوې او همدارنګه اتلې لوبډلې ته د اتلولۍ جام ترڅنگ ۱۵٫۰۰۰ افغانۍ، مډالونه او دويم مقام گټوونکې لوبډلې ته ۵٫۰۰۰ افغانۍ ورکړل شوې.
