ننگرهار؛ خراسان پوهنتون لوبډلې هېواد امن دی په نوم د واليبال سياليو اتلولي خپله کړه
د ننگرهار ولايت د بدني روزنې او ورزش رياست په همکارۍ د ياد ولايت په پچيراگام ولسوالې کې د ۲۴ لوبډلو ترمنځ د تورې بورې تاريخي سيمې پېژندلو په موخه هېواد امن دی په نوم د واليبال سيالۍ، چې لس ورځې مخکې پيل شوې وې، د خراسان پوهنتون لوبډلې په اتلولۍ پای ته ورسېدې.
د يادو سياليو په پايلوبه کې خراسان پوهنتون لوبډلې خپلې سيالې چپرهار ولسوالۍ لوبډلې ته د ۲ پر صفر ميدانونو په توپیر ماتې ورکړه او اتلولي يې خپله کړه.
ياده دې وي، چې د دغو سياليو په پای کې اتلې لوبډلې ته د اتلولۍ جام ورکړل شو.
