سرپل کې د ۱۲ لوبډلو ترمنځ د والیبال ټاکنیزې سیالۍ پای ته ورسېدې
د سرپل ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت له مرکز او والسوالیو د۱۲ لوبډلو ترمنځ د والیبال ټاکنیزې سیالۍ، چې څو ورځې مخکې پيل شوې وې د اتحاد سوزمه قلعه لوبډلې په اتلولۍ پای ته ورسېدې.
د دغو سیالیو په پابلوبه کې د اتحاد سوزمه قلعه لوبډلې خپلې سیالې رویا روی لوبډلې ته د ۳ پر صفر میدانونو پر توپير ماتې ورکړه او اتلولي یې خپله کړه.
د یادو سیالیو موخه د افغانستان ا.ا د بیا واکمنېدو د درېیمې کلېزې نمانځل و.
د سیالیو په پای کې غوره لوبډلې ته چمتو شوې ډالۍ ورکړل شوې.
