د کابل ښار څلورم زون د ۱۲۷ ورزشکارانو ترمنځ د سوک وهنې سیالۍ پیل شوې
د المپيک، بدني روزنې او ورزش عمومي رياست اړوند د سوک وهنې ملي فدراسيون له لوري د ياد رياست د سوک وهنې ملي فدراسيون په جمنازيوم کې د څلورم زون له ۳۸ کلبونو د ۱۲۷ ورزشکارانو ترمنځ د سوک وهنې ټاکنيزې سيالۍ پيل شوې.
دغه سيالۍ به د ۴۸ کيلو ګرام څخه تر ۹۰ کيلو ګرام وزني کټګوريو کې او د لويو ورزشکارانو په عمري کټګورو کې تر سره شي.
د يادو سياليو موخه څلورم زون ته د ۳۹ غوره ورزشکارانو ټاکل دي، چې درې ورځې به دوام وکړي.
