هلمند؛ په نادعلي ولسوالۍ کې د ۱۲ لوبډلو ترمنځ د ټېپ بال کرکټ سيالۍ پيل شوې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولۍ له لوري د ياد ولايت نادعلي ولسوالۍ په ګل اغا بازار سیمه کې د ۱۲ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د هیواد بازار اتلانو او ازاد قلمیار لوبډلو ترمنځ ترسره شوه، لومړی توپوهنه هیواد بازار لوبډلې وکړه او په ټاکلو ۱۲ اورونو کې یې سيالې لوبډلې ته ۲۲۲ منډې هدف ورکړ. بل لوري ته ازاد قلمیار لوبډلې د ۱۲ اورونو په لوبولو سره د شپږو لوبغاړو په زيان ۱۱۸ منډې جوړې کړې او په ۱۰۸ منډو يې ماتې وخوړه.
دغه سيالۍ چې درې اوونۍ به دوام وکړي، موخه يې د ځوانانو ترمنځ اتفاق او يووالی ياد شوی دي.
