پکتيا؛ په گردېز ښار کې د ۵۰ ورزشکارانو ترمنځ د سيمه ييزې غېږ نيونې سيالۍ ترسره شوې
د پکتيا ولايت د بدني روزنې او سپورټ رياست اړوند د ملي او دوديزو لوبو مديريت له لوري د ياد ولايت په مرکز گردېز ښار کې د ۵۰ ورزشکارانو ترمنځ ملي او دوديزو لوبو ته د ودې ورکولو او پرمختگ په موخه د سيمه ييزې غېږ نيونې سيالۍ ترسره شوې.
دغه سیالۍ چې په څلورو وزني کټگوريو ترسره شوې، په پايله کې عزت الله په ۷۰ کيلو گرام، شريف الله په ۶۰ کيلو گرام، سميع الله په ۵۰ کيلو گرام او سليمان په ۴۰ کيلو گرام وزنونو کې لومړي مقامونه ترلاسه کړل.
د يادونې وړ ده، چې د دغو سياليو په پای کې د ياد ولايت د ورزش رياست له لوري غوره ورزشکارانو ته ځانګړې چمتو شوې ډالۍ ورکړل شوې.
