بامیان ؛ مرکز کې د ۹۰ ورزشکارانو ترمنځ د ځغاستې سیالۍ ترسره شوې
د بامیان ولایت د بدني روزنې او ورزش امریت اړوند د اتلتیک فدراسیون د استازولۍ له لوري د یاد ولایت مرکز ښار کې د ۹۰ ورزشکارانو ترمنځ د ځغاستې سیالۍ ترسره شوې.
په دغو سیالیو کې ورزشکارانو په درې کیلو متري واټن کې سیالۍ ترسره کړې، چې په پایله کې نعیم واحد یار لومړی، نجیب ناصري دویم او روح الله درېیم مقام ترلاسه کړ.
د یادو سیالیو موخه د لوی اختر نماځل و؛ د سیالیو په پای کې د بامیان ولایت ورزشي امریت له لوري غوره ورزشکارانو ته د اتلولۍ حکم او ورزشي سامان ورکړل شو.
