پکتيا؛ په مرکز گردېز ښار کې د شپږو لوبډلو ترمنځ د فوټبال سيالۍ پای ته ورسېدې
د پکتيا ولايت د بدني روزنې او ورزش رياست اړوند د فوټبال فدراسيون د استازولۍ له لوري د مرکز گردېز ښار په مهلن سيمه کې د شپږو لوبډلو ترمنځ د نشه يي توکو پر وړاندې د مبارزې په موخه د فوټبال سيالۍ د فتلا خېلو لوبډلې په اتلولۍ پای ته ورسېدې.
د يادو سياليو په پايلوبه کې فتلا خېلو لوبډلې سيالې دوابي لوبډلې ته ۲/۳ گولونو په توپير ماتې ورکړه او اتلولي يې خپله کړه.
د يادونې وړ ده، چې د دغو سياليو په پای کې اتلې لوبډلې ته د اتلولۍ جام ورکړل شو.
