کندز ښار کې د والیبال لومړی پړاو سیالۍ د نوجوانانو لوبډلې په اتلولۍ پای ته ورسېدې
د کندز ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت ښار مرکز په کلوپ سپین زر ورزشي لوبغالي کې د اتو لوبډلو ترمنځ د والیبال ټاکنیزې سیالۍ د نوجوانان لوبډلې په اتلولۍ پای ته ورسېدې.
دغو سیالیو چې درې ورځې دوام وکړ په پایلوبه کې د نوجوانانو لوبډلې خپلې سیالې لېسه جمعیت لوبډلې ته د ۳/۱ میدانونو په توپیر ماتې ورکړه او اتلولي یې خپله کړه.
د یادو سیالیو موخه ۱۴۰۳ کال منتخبې لوبډلې ته د غوره لوبغاړو پېژندل و.
د سیالیو په پای کې د ورزش امریت له لوري غوره لوبډلې د اتلولۍ جام او غوره لوبغاړو ته مډالونه، توپ او ستاینلیکونه ورکړل شوه.
