کونړ؛ څوکۍ ولسوالۍ کې د ۱۸ لوبډلو ترمنځ د والیبال سیالۍ د خوړ لوبډلې په اتلولي پای ته ورسېدې
د کونړ ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په څوکۍ ولسوالۍ کې د کونړ او ننګرهار ۱۸ لوبډلو ترمنځ د والیبال سیالۍ د خوړ لوبډلې په اتلولي پای ته ورسېدې.
د یادو سیالیو پایلوبه د خوړ او څوکۍ ولسوالۍ منتخبې لوبډلې ترمنځ ترسره شوه، چې په پایله کې یې خوړ لوبډلې د ۲/۳ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د سيالیو په پای کې اتلې لوبډلې ته د اتلولي کپ او غوره لوبغاړو ته ورزشي توکي ورکړل شول.
