هلمند؛ بهرامچه ولسوالۍ کې د لسو لوبډلو ترمنځ د فوټبال سيالۍ پيل شوې
د هلمند ولايت د بدني روزنې او ورزش امريت اړوند د فوټبال فدراسيون د استازولۍ له لوري د بهرامچې ولسوالۍ په خراسان ورزشي لوبغالي کې د لسو لوبډلو ترمنځ د فوټبال شپنۍ سيالۍ پيل شوې.
د يادو سياليو لومړۍ لوبه د زيبا بلوچ او خراسان لوبډلو ترمنځ ترسره شوه، چې په پايله کې زیبا بلوچ لوبډلې سيالې لوبډلې ته ۰/۲ گول په توپير ماتې ورکړه او بريا يې خپله کړه.
د دغو سياليو د ترسره کېدو موخه د ځوانانو سالم مصروفیت ښودل شوی، چې ۲۰ ورځې به دوام وکړي.
