هرات ولایت کې د موی تای ملي فدراسیون نماینده ګۍ اړوند لوبڅارانو او روزونکو ته لومړی پړاو سمینار ترسره شو
د هرات ولایت د بدني روزنې او ورزش امریت اړوند د موتای ملي فدرسیون د استازولۍ له لوري یاد ولایت کې شپږو روزنکو او لسو لوبڅارانو ته د لوبڅارۍ او روزنې لومړی پړاو سمینار، چې څلور ورځې وړاندې پیل شوی و، پای ته ورسېده.
په دغه سمینار کې ګډون کوونکو ته د لوبڅارۍ اړوند اصول او قوانین، په ښه مېتود سره صلاحیت ورکولو او مسوولیت پېژندلو موضوعات تشریح شول.
د یاد سمینار موخه د هرات ولایت روزنکو او لوبڅارانو ظرفیت لوړول و.
د سمینار په پای کې د موی تای ملي فدراسیون نمایندګۍ له لوري ګډون کوونکو ته د لوبڅارۍ او روزنې رسمي اسناد ورکړل شول.
