هلمند؛ گرمسېر ولسوالۍ کې د اتو ورزش کارانو تر منځ د تيږې اچوونې سيالۍ تر سره شوې
د هلمند ولايت د بدني روزنې او سپورټ امريت اړوند د ملي او دوديزو لوبو مديريت له لوري په هزار جفت سيمه کې د اتو ورزش کارانو ترمنځ د تيږې اچوونې سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې شرف الدين لومړی او عزت الله زاهد دويم مقام ترلاسه کړ.
د دغو سياليو موخه ملي او دوديزو لوبو ته وده ورکول ښودل شوي و او په پای کې لومړي مقام گټونکې لوبغاړي ته نغدي ډالۍ ورکړل شوې.
د يادونې وړ ده، چې دا لومړی ځل و، چې په گرمسېر ولسوالۍ کې د تيږې اچوونې سيالۍ تر سره کيږي.
