غزني ولایت کې د ۱۶ لوبدلو ترمنځ د فوټسال سیالۍ د منګور لوبډلې په اتلولۍ پای ته ورسېدې
د غزني ولایت د بدني روزنې او ورزش امریت له لوري د ۱۶ لوبډلو ترمنځ د فوټسال سیالۍ، چې څلور ورځې وړاندې پیل شوې وې د منګور لوبډلې په اتلولۍ پای ته ورسېدې.
د دغو سیالیو پایلوبه د منګور او صلح منګور لوبډلو ترمنځ ترسره شوه، چې په پایله کې د منګور لوبډلې خپلې سیالې لوبډلې ته د ۳/۱ ګولونو په توپیر ماتې ورکړه او اتلولي یې خپله کړه.
د یادو سیالیو موخه د منګور کلي د فوټسال ورزش ته وده ورکول او ورزش ته د ځوانانو هڅوول و.
د سیالیو په پای کې د بدني روزنې او ورزش امریت له لوري د غوره لوبډلې او غوره لوبغاړو ته مډالونه او جایزې ورکړل شوې.
