بغلان؛ نهرین ولسوالۍ کې د ۴۶ سوک وهوونکو ترمنځ د سوک وهنې سیالۍ ترسره شوې
د بغلان ولایت د بدني روزنې او ورزش امریت اړوند د سوک وهنې فدراسیون د استازولۍ له لوري د ۴۶ سوک وهوونکو ترمنځ د یاد ولایت د نهرین ولسوالۍ له بېلا بېلو کلبونو نه د یوې ورځې لپاره د سوک وهنې سیالۍ ترسره شوې.
دغو سیالیو ته د بغلان فدراسیون نمایندګۍ مسوولین، د سوک وهنې کلبونو روزونکي او زیات شمېر مینوال راغلي وو په پایله کې د پلخمري ښار د سوک وهنې مرکزی کلب د غوره مډال په ترلاسه کولو لومړی مقام او د نهرین ولسوالۍ د حیدري ځوانانو د سوک وهنې کلب دویم مقام ترلاسه کړ.
د دې سیالیو د ترسره کېدو موخه ورزش ته د ځوانانو هڅول او غوره سوک وهوونکي لوبغاړي پېژندل وو.
