څلور پرله پسې بریاوې؛ د افغانستان ویلچر باسکټبال ملي لوبډلې متحده عربي اماراتو ته ماتې ورکړه
د ټایلنډ هېواد په کوربه توب په بانکوک ښار کې د ویلچر باسکټبال آسیايي او اقیانوسیه سیالیو په لړ کې افغان ویلچر باسکټبال ملي لوبډلې خپله څلورمه بریا هم خپله کړه.
د دغو سیالیو په ګروپي لوبو کې د افغانستان ویلچر باسکټبال ملي لوبډلې نیوزیلنډ، عربستان او فلیپین ته له ماتې ورکولو وروسته نن یې په خپله وروستۍ ګروپي سیالۍ کې متحده عربي اماراتو ته د ۵۱/۵۷ نمرو په توپیر ماتې ورکړه.
یادې سیالې د روانې جنوري میاشتې په ۱۲مه نېټه پیل شوي او ټاکل شوې چې د همدغې میاشتې په ۲۰مه نېټه به پای ته ورسیږي.
