ننګرهار؛ د سوک وهنې منتخبې لوبډلې د جوړېدو په موخه ټاکنیزې سیالۍ پيل شوې
د ننګرهار ولایت د بدني روزنې او ورزش ریاست په لارښونو او همغږۍ د سوک وهنې فدراسیون د استازولۍ له لوري د یاد ولایت د سوک وهنې منتخبې لوبډلې د جوړولو په موخه د ۶۰ کلبونو د ۲۲۰ ورزشکارانو ترمنځ ټاکنیزې سیالۍ په څلورو کټګوریو کې پیل شوې.
دا سیالۍ، چې کوچنیانو، تنکیو ځوانانو، ځوانانو او لویانو په عمري ډلبندیو کې پیل شوي دي، چې پر دوام يې نن د کوچنیانو او تنکیو ځوانانو ترمنځ پای لوبه ترسره کېږي، چې ګټونکي لوبغاړي به یې منتخبې لوبډلې ته ځي او د ځوانانو او لویانو ترمنځ به نیمه پایلوبه ترسره شي، چې ګټونکي لوبغاړي به یې پایلوبې ووځي.
