خوست؛ کابل لوبډلې د تڼیو په ګربز صحرا کې د امن او یووالي ټورنمنټ اتلولي وګټله
د خوست ولایت د بدني روزنې او ورزش امریت په مرسته د والیبال فدراسیون له لوري د تڼیو ولسوالۍ ګربز صحرا سیمې زاهد تړون په میدان کې د امن او یووالي په نوم د والیبال سیالۍ د کابل لوبډلې په ګټه پای ته ورسېدې.
دغه ټورنمنټ، چې دوه نیمي میاشتې وړاندې د ۶۰ لوبډلو په ګډون پیل شوی و، په پایلوبه کې یې د کابل لوبډلې د ۲-۱ میدانونو په توپیر د خوست شمشي خېلو لوبډلې ته ماتې ورکړه.
په پای کې د دې ټورنمنټ لومړي مقام ګټونکې لوبډلې ته ۴۵زره افغانۍ او د دویم مقام ګټونګې لوبډلې ته ۱۵زره افغانۍ جایزه ورکړل شوه، همدراز دواړو لوبډلو ته کپونه، مډالونه او ډالۍ هم ورکړل شوې.
