په جوزجان کې د ۴۰ ورزشکارانو ترمنځ د WTF تکواندو سیالۍ ترسره شوې
د جوزجان ولایت د ورزش آمریت او د جوزجان د تکواندو فدراسیون د استازولۍ له لوري په ناصري ورزشي کلب کې د اوو کلبونو د ۴۰ تنو ورزشکارانو ترمنځ د تکواندو سیالۍ ترسره شوې.
په دې سياليو کې د خواجه دوکوه، آقچې، فيض اباد، خانقاه ولسوالیو او د مرکز د اوو کلبونو ورزشکارانو د تنکيو ځوانانو، ځوانانو او د وزن په بېلابېلو کټګوريو کې برخه اخيستې وه او یوه ورځ يې په ګډه سيالۍ وکړې.
په پای کې د آقچې ولسوالۍ د زاهد تکواندو کلب لومړی، د مرکز ناصري تکواندو کلب دویم او د خواجه دوکوه د عطا بای کلب درېیم مقام خپل کړ.
