پکتیکا؛ په سروبي ولسوالۍ کې د "يووالي" په نوم د ټیپ بال سیالۍ د ماسټر ګوهر لوبډلي په بریا پای ته ورسېدې
د پکتيکا ولايت په سروبي ولسوالۍ کې د "يووالي" په نوم د ټېپ بال سيالۍ چې د دې ولسوالۍ د مسافرو له لوري ١٥ ورځې وړاندې د ٢٠ لوبډلو ترمنځ پيل شوې وې د ماسټر ګوهر لوبډلې په اتلولي پاى ته ورسېدې.
د دغو سياليو پايلوبه د ماسټر ګوهر او ميرويس لوبډلو ترمنځ وشوه د لوبي پيل د ماسټر ګوهر لوبډلې وکړ، چې په ټاکلو ١٤ تورونو کې يې خپل سيال ته ١٧١منډې هدف ورکړ.
په مقابل کې ميرويس لوبډلې ورکړل سوى هدف پوره نه کړ او لوبه يې د ٣٠ منډو په توپير وبايلله.
د يادو سياليو موخه د ځوانانو ترمنځ يووالى رامنځته کول دي.
په پاى کې د لومړي مقام ګټونکې لوبډلې ته ١٥ زره افغانۍ او دويم مقام ګټونکې لوبډلې ته ٦ زره افغانۍ نغدي جايزې ورکړل شوې.
