پکتيکا؛ د مرکز شرنې په علي بابا لېسه کې د يووالي په نوم د ټېپ بال سيالۍ د دوولسم "ب" لوبډلې په ګټه پاى ته ورسېدې
د پکتيکا ولايت مرکز شرنې د علي بابا لېسې ادارې او ټېپ بال فدراسیون له لوري د ټېپ بال اووه اوريزه سيالۍ چې يوه مياشت وړاندې د علي بابا لېسې د ٣٤ ټولګيو ترمنځ پيل شوې وې د دوولسم "ب" لوبډلې په اتلولي پاى ته ورسېدې.
د دغو پايلوبې ته د دوولسم "ج" او دوولسم "ب" لوبډلو لار وموندله، چې د دوولسم "ج" لوبډلې لومړى توپوهنه وکړه چې په ټاکلو ٧ اورونو کې يې ٨٦ منډې وکړې.
په مقابل کې د دوولسم "ب" ټولګي لوبډلې ورکړل شوى هدف په ٦ اور کې د ٥ لوبغاړو په سوځېدو سره پوره کړ او لوبه يې د ٥ ويکټو په توپير سره وګټله.
د يادو سياليو موخه د ټولګيو ترمنځ يووالى رامنځته کول و.
