هلمند؛ په ګرمسیر ولسوالۍ کې د فوټبال لیګ سیالۍ پیل شوې
د هلمند ولایت د ګرمسیر ولسوالۍ اړوند په بلندآغا حوزه کې د ۱۱ لوبډلو ترمنځ د فوټبال لیګ سیالۍ پیل شوې.
د سیالیو د پیل په مراسمو کې د ګرمسیر ولسوالۍ د ورزش مسؤولینو او ګڼ شمېر مینوالو برخه اخیستې وه .
د یاد لیګ لومړۍ سیالي د هیواد لوبډلې او لمر فوټبال لوبډلې ترمنځ وه چې ۱-۱ مساوي پای ته ورسېده.
په دې لیګ کې د ګرمسیر ولسوالۍ له بیلابېلو سیمو څخه اتحاد، اقبال، هیواد، لمر افغان، حسین، اریانا، حبیبي، خوشحال، انوري، وصال او افغان لوبډلې برخه لري.
د لیګ موخه د غوره لوبغاړو په ګوته کول او د ځوانانو ترمنځ یووالی رامنځ ته کول دي او په پای کې ده چې تر شاوخوا یوې میاشتې پورې به دوام ولري.
