باميان؛ د یکاولنګ ولسوالۍ ب لوبډلې د وزلوبې سیالیو اتلولي خپله کړه
د بامیان ولایت د یکاولنګ ولسوالۍ د وزلوبې الف او ب لوبډلو ترمنځ د وزلوبې سیالۍ چې پرون د دې ولایت په خم دښته کې د مصطفی علیزي سیاحتي شرکت په مالي مرسته پیل شوې وې، د یکاولنګ د (ب) لوبډلې په ګټه د ۸-۹ امتیازونو په توپیر پای ته ورسېدې.
په دغو سیالیو کې د بامیان ولایت د سپورټ ادارې مسوولینو، د بامیانو د وزلوبې فدراسیون مسؤولینو، امنیتي منصوبینو او د دغه ډګر ګڼشمېر مینه والو هم ګډون کړی و.
د دې سیالیو د ترسره کولو موخه د ورزشکارانو تر منځ یووالی او ورورولي او د یکاولنګ ولسوالۍ د لومړي نمبر لوبډلې لپاره د غوره چاپندازانو پیژندل وو.
