د جودو دوو تنو افغان ريفريانو د ريفرينګ په برخه کې اسيايي جوازونه ترلاسه کړل
د جودو فدراسیون دوو تنو افغان روزونکو رحمت الله مشکل او ابو ريحان رادمنش د جودو ريفرينګ په برخه کې اسيايي جوازونه تر لاسه کړل.
د جودو دغو دوو تنو روزونکو ته وروسته له هغه دغه سندونه ورکړل شول، چې د روانې اپريل مياشتې له ٤مې څخه تر ٦مې نېټې پورې د کابل په انټرکانټنينټل هوټل کې د جودو نړيوال فدراسیون دوو بهرنيو روزونکو او نړيوالو متخصصينو " کوميچو فريز او بارکاس نيګاري" له لوري د کوچينګ، ريفرينګ او کاتا په برخو کې د جودو افغان روزونکو او لوبڅارانو ته په نظري او عملي بڼه زده کړې ورکړل شوې او له يادوو دوو تنو څخه د ريفرينګ په برخه کې ازموينه واخيستل شوه.
د جودو فدراسیون د معلوماتو له مخې دغه دوه تنه افغان روزونکي تر ازموينې وروسته بريالي شول، چې د انټرکانټنينټل ريفرينګ په نوم دغه جوازونه ورکړل شول.
دغه دوه تنه د دې جوازونو له ترلاسه کولو وروسته کولاى شي، د جودو په اسيايي لوبو کې، که هغه په هر هېواد کې وي، د اسيايي برخې رسمي لوبڅاري وکړي او په سياليو کې به ګډون کوي.
