د غزني ولايت په جاغوري ولسوالۍ کې د رمضان جام فوټسال سيالۍ پيل شوې
د غزني ولايت د بدني روزنې او سپورټ امريت په هماهنګۍ د جاغوري ولسوالۍ په شهيد ياسين کريمي لوبغالي کې د يادې ولسوالۍ د کليو د ۲۱ لوبډلو ترمنځ د يوې مياشتې لپاره د فوټسال رمضان جام سيالۍ پيل شوې.
د يادو سياليو لومړنۍ لوبه د امېد بلو او دلتمور لوبډلو ترمنځ ترسره شوه، په پايله کې د امېد بلو لوبډله وتوانېده، چې خپلې سيالې لوبډلې ته په ۱/۷ ګولونو توپير سره ماتې ورکړي.
د يادونې وړ ده، چې دا سيالۍ د شپې له خوا ترسره کيږي او هره شپه پکې دوه لوبې کيږي.
