کندز؛ د علي اباد ولسوالۍ د فوټبال سياليو اتلولي د لمر خصوصي ښوونځي لوبډلې وګټله
د کندز ولايت په علي آباد ولسوالۍ کې د ١١ لوبډلو ترمنځ د فوټبال سیالۍ د لمر خصوصي ښوونځي لوبډلې په اتلولۍ پای ته ورسيدي.
د فوټبال يادې سیالۍ دوه مياشتې وړاندې د کندز ولايت د بدني روزنې او ورزش ریاست او د علي آباد ولسوالۍ د ورزشي امر سفندیار په همغږۍ، د فوټبال فدراسیون له لوري د يولسو لوبډلو ترمنځ د ليګ په شکل پيل شوې وې او نن پای ته ورسېدې.
د دغو سياليو پايلوبې ته د لمر خصوصي ښوونځي او سعادت ځوانانو لوبډلو لار موندلې وه، چې په پايله کې د لمر خصوصي ښوونځي د ۳_۲ګولونو په توپير وګټله او اتلولي يې ترلاسه کړه.
د نوموړو سياليو د پايلوبې په مراسمو کې د ياد ولايت ورزشي مسؤلینو، حکومتي چارواکي، ځوانانو او د فوټبال سلګونو مينوالو ګډون کړی و.
بايد يادونه وشي چې د نوموړو سیالیو موخه په لرې پرتو سيمو کې ورزش ته وده ورکول ياد شوي دي.
