په ننګرهار کې د تکواندو ۸۰ تنو ورزشکارانو سیالۍ او په زړه پورې نندارې ترسره کړې
د ننګرهار ولایت د تکواندو فدارسیون له لوري د مرکز اړوند په غازي امان الله خان ښارګوټي کې د تکواندو په زړه پورې سیالۍ او نندارې ترسره کړې.
په یادو سیالیو او نندارو کې د ننګرهار ولایت له ۷ ولسوالیو څخه ۴۰ جوړو، ۸۰ تنو ته ورزشکارانو ګډون کړی و.
په دې سیالیو کې د ننګرهار د بدني روزنې او ورزش مسؤولینو، د بېلابېلو فدراسیونونو مشرانو، استادانو، ورزشکارانو او ځایي خلکو برخه اخیستې وه.
دغه سیالۍ او نندارې د ننګرهار د تکواندو فدراسیون د مسؤولینو له لوري د ورزش په ډګر کې د ننګرهار د بدني روزنې او سپورت د رهبري او مشر ښاغلي عبدالسلام وزیروال د هڅو د درناوي په موخه جوړې شوې وې.
د یاد فدراسیون له لوري ښاغلي وزیروال او د تکواندو استادانو ته ستاینلیکونه ورکړل شول او هغوی یې وستایل.
ځایي اوسیدونکو او ورزشکارانو د دې سیالیو په ترسره کېدو خوښي څرګنده کړه او د دې ډول سیالیو د ډېرېدو غوښتنه یې وکړه.
