ویاریال د ختافې لوبډلې په وړاندې بریا ترلاسه کړه
د تسنیم خبری آژانس د خبر له مخې، د اسپانیا د لالیګا د ۳۲مې اونۍ د دوهمې شپې په وروستۍ لوبه کې تیره شپه د ویاریال د فوټبال ټیم خپل کوربه ختافې ته د ۲ پر یو پايلې ماتې ورکړه.
د دې لوبې په اوومه دقیقه کې جراد مورینو او په ۱۶مه دقیقه کې مانو تریګروس د ویاریال لوبډلې ګولونه ترسره وکړل.
د ختافې یوازینی ګول انس اونا په ۶۳مه دقیقه کې ترسره شو .
ویاریال، چې تیره اونۍ د بایرن مونیخ په وړاندې په بریا سره د چمپینز لیګ نیمه پای لوبې ته ورسیده، اوس په لا لیګا کې د 49 امتیازو سره اووم ځای لري. ختافې لوبډله هم د 32 امتیازو سره په 15 ځای کې پاتې شو.