د بامیان پوهنتون محصلینو ترمنځ د فوټسال سيالۍ د زراعت پوهنځي لوبډلې په اتلولۍ پای ته ورسېدې
د باميان ولايت د بدني روزنې او ورزش امريت په همغږۍ او د باميان پوهنتون له لوري په جديد جمنازيوم کې د ياد پوهنتون له اتو پوهنځیو لوبډلو ترمنځ د فوټسال سيالۍ پای ته ورسېدې، چې يوه اوونۍ يې دوام وکړ.
د دغو سياليو په پايلوبه کې زراعت پوهنځي لوبډلې خپلې سيالې زمين شناسي لوبډلې ته د ۰/۵ ګولونو په توپير ماتې ورکړه او اتلولي يې خپله کړه.
د يادو سياليو موخه د محصلينو ترمنځ د فوټسال لوبو ته وده ورکول او ځوانانو ته د سياليو برابرول و.
