هلمند کې د والیبال سیالۍ پیل شوې

په هلمند ولایت کې د «ورزش په امن کې» نوم باندې د والیبال سیالیو یو ټورنمنټ پیل شو، چې څو ورځې به دوام وکړي.

په دغه ټورنمنټ کې نهه لوبډلې ګډون لري، چې د هغو له ډلې چاه انجیر، اعظیمي ای، برادران امید، ګرمسیر، اعظیمي بي، امریت ورزش، مارجه ای، بس او مارجه بي لوبډلې دي.

یادې ټولې لوبډلې په دوه ډلو وېشل شوې دي او ټاکل شوې ده چې هره ورځ یوه لوبه وشي.

تېره ورځ په لومړۍ لوبه کې اعظیمي لوبډلې چاه انجیر لوبډلې ته درې د صفر پر وړاندې ماتې ورکړه.

یاده دې وي، چې نن ماذیګر د ګرمسیر ولسوالۍ لوبډلې او اعظیمي بي لوبډلې تر منځ لوبه کېدونکې ده.